ABOUT THE BOOK

Ipinapasilip ng Kampuhan ang araw-araw na buhay sa isang lihim na kampo ng mga rebolusyonaryo. Sa koleksyong ito’y nagkukuwento ang mga kasama, nakikipag-usap sa kapuwa kasama, kung hindi man sa mga bagay/gamit na karaniwan sa loob at paligid ng kanilang kampuhan. Ipinapakilala ng Kampuhan ang rebolusyon bilang pook at okasyon ng pakikipagkapuwa. Hinihikayat ng mga tula na kilalanin ang kasama: ang indibidwal at ang kolektibo na nagbibigay-kabuluhan sa kanyang pangalan/identidad/bokasyon.

ABOUT THE AUTHOR

Si Ma. Cecilia C. de la Rosa ay nagsusulat ng tula at dula. Siya ay kawani at guro sa UP Diliman. Siya ay tubong Caramoan, Camarines Sur, at laking Naga City. Naninirahan siya ngayon sa Quezon City, sa isang apartment sa ilalim ng puno ng mangga, kasama ang asawa, anak, at dalawang pusa.