ABOUT THE BOOK

May sariling mundo ang Kilapsaw ni Ellen Sicat na nasa kategorya ng young adult fiction. Gaya ng mga romansa at erotika, may mga panuntunan itong sinusunod, tahasan mang aminin o hindi, upang maging kalugod-lugod sa mga sumusubaybay; ergo, para maging mabenta. Nasa kategoryang ito ang Kilapsaw. Sa hagod at himig, pati na sa pagkakakipil at sa haba, ay young adult readers ang pinupuntirya nito. Pero may isang aspekto itong bumabalikwas. Ipinaaalala nito ang isang publikasyong naglabas ng mga nobela noong mga unang taon ng dekada nobenta, nang kasagsagan pa ng paglalathala ng mga nobelang romansa sa Pilipinas.

— Rosa May Bayuga

ABOUT THE AUTHOR

Si Ellen Sicat ay awtor ng mga nobelang Paghuhunos (UP Press, 2002) at Unang Ulan ng Mayo (Anvil, 2009). Nagwagi siya ng Grand Prize sa Nobela sa Filipino sa Carlos Palanca Memorial Awards for Literature noong 2002, pati ng Madrigal Gonzalez Best First Book Award.