ABOUT THE BOOK

Ang aklat na ito ay pag-aaaral sa dalawang talang-gunita na nagsasalaysay ng mga personal na karanasan ng karahasan sa isang malagim na pagkakamali ng kilusang pambansa-demokratiko.

Sa pamamagitan ng malapitan at mapaghambing na pagsusuri, inilatag ang kahalagahan ng personal na alaala bilang isang anyo ng pakikisangkot sa tunggalian sa pagitan ng rebolusyon at kontra-rebolusyon.

Sa mga talang-gunitang ito, lumilitaw ang masalimuot na pagtatalaban ng personal at political. Dito, napapatampok kung paano naipapahayag sa pamamagitan ng pagsasalaysay ng alaala ang paninindigan at pag-uusisa sa kabuluhan ng proyektong mapagpalaya.

ABOUT THE AUTHOR

Si Laurence Marvin Castillo ay guro ng Panitikan at Araling Kultura sa Departamento ng Humanidades, Kolehiyo ng Agham at Sining, Unibersidad ng Pilipinas, Los Baños.