ABOUT THE BOOK

Koleksiyon ito ng mahigit sandaang tula ni Ariel N. Valerio (1963–2023) na naisulat sa ilalim ng batas militar hanggang panahong post-EDSA (1983–2009). Pangunahing katangian ng panulaan niya ang modernista-aktibistang modo na laganap sa kaniyang kapanahunan.

ABOUT THE EDITORS

Tubong San Jose, Occidental Mindoro si Rowena P. Festin. Nagkamit ang kanyang mga tula at maikling kuwento ng Gawad Don Carlos Palanca at Gawad Galian. Naging Makata ng Taon siya ng Komisyon sa Wikang Filipino noong 1991. Kinilala ng National Book Development Board (NBDB) at Manila Critics Circle (MCC) ang kaniyang Banayad bilang pinakamahusay na aklat ng mga tula noong 2017 at Ang Buang ng Bayan sa maikling kuwento noong 2024. Guro siya sa Unibersidad ng Pilipinas-Pampanga.

Nagtuturo si Romulo P. Baquiran Jr. ng panitikan at malikhaing pagsulat sa Kolehiyo ng Arte at Literatura, UP Diliman, Lungsod Quezon. Nakapaglathala na siya ng mga aklat ng tula at sanaysay: Mga Tula ng Paglusong (1992), Onyx (2003), Kung Nanaisin (2009), at Ibig (2017); Sagad sa Buto (2011), Hiwatig (2015), at Aishite Imasu (2021). Nakapagsalin na siya ng mga tula at dula para sa mga pang-akademyang proyekto gayundin ng mga teknikal na teksto para sa mga kompanyang medikal at mga katulad.