ABOUT THE AUTHOR

Ipinanganak si ANACLETA T. VILLACORTA-AGONCILLO sa Caniogan, Calumpit, Bulacan nuong ika-12 ng Setyembre, 1913. Ang kanyang ina ay si Vicenta V. Torres na taga Calumpit, Bulacan at ang ama ay si Severo R. Villacorta na taga Meycauayan, Bulacan. Sa Calumpit Elementary School siya nag-aral hang-gang ikapitong grado at sa Manila North High School (na ngayon ay Arellano) nag-aral at nagtapos ng High School. Maliit pa lamang siya’y mahilig nang magbasa ng mga kuwentong Tagalog na nakalathala sa Liwayway, Alitaptap at Sampaguita. Palibhasa’y siya lamang ang nabuhay sa tatlong. magkakapatid kaya nag-iisa siyang namulat sa pagiging malikhain. Dahil dito’y sumibol ang kanyang pag-ibig sa pagsusulat ng tula. Sa U.P. College of Medicine siya nag-aral at nagtapos ng Medicina nuong 1939. Habang nag-aaral sa U.P. ay nagsusulat siya ng tula na ipinadadala niya sa Philippine Collegian, ang pahayagan ng Unibersidad ng Pilipinas. Sa pahayagang ito Vernacular Editor si Teodoro A. Agoncillo na nag-aaral naman ng pi-losopiya. Dito nagsimula ang kanilang mabuting pagki-kilala na humantong sa pag-iibigan. Nagsagutan sila sa pamamagitan ng mga tula at nagtago sa mga pangalang “Violeta Alba” at “Nestor Amorsolo.” Nagsulat din siya ng maiikling kuwento na ipi-nadadala naman niya sa lingguhang Liwayway, Sampaguita at Alitaptap.