ABOUT THE BOOK

Malikhaing tugon sa pandemya (COVID-19), sa lockdown, at sa di-makataong patakaran ng rehimeng Duterte, na nakahabi sa mga eksperimental na pagmumuni-muni sa mga temang maka-Borges, tulad ng walang-hanggan, ang Iba, at ang akda sa loob ng akda.

Mas maaakit ng Ang Hari ng Maikling Kuwento ang mas batang henerasyon ng mambabasa ng panitikan, silang mga fan ng kulturang popular ng Kanluran at postmodernong teorya. Sa haba nitong higit sa 100,000 salita, ang Ang Hari ng Maikling Kuwento ay sagad-sagad na pampanitikang tugon sa pandemya, at pang-epikong pagtatangkang isakuwento ang mga misteryo ng sansinukob. Hindi lang sa hindi balakid ang mga pormal na eksperimentasyon nito, at hindi lang sila borloloy, bagkus sila pa nga ang siyang pundasyon ng mga politikal na layunin ng gawa. Ang pagbabaluktot at paghaltak sa wikang Filipino, at kumbensiyon ng maikling kuwento, ang siyang nagbibigay-kakayahan sa koleksiyon para maging politikal.

“Transgresibo.”

—Jun Cruz Reyes

ABOUT THE AUTHOR

Si U Z. Eliserio ay awtor ng Sa mga Suso ng Liwanag, Wala Tayong Sasantuhin, at marami pang ibang libro. Bisitahin siya sa ueliserio.net.