UP Press at the 2023 UP Lantern Parade

Lulan ng payak na parol ng University of the Philippines Press ang representasyon ng tala at aklat—na kapwa nagbibigay ng liwanag. Sa nakalipas na limampu’t walong (58) taon ng UP Press, nakapaglimbag ito ng mahigit na sanlibong aklat na kumakatawan sa iba-ibang larangan ng arte at humanidades, agham panlipunan, siyensiya at teknolohiya, ekonomiks at managament. Naniniwala ang UP Press na ang mga aklat na ito ay hindi lamang nakapagbahagi ng mga bagong kaalaman at karunungan sa mga mambabasa. Bawat akto ng pagbabasa ay akto rin ng pagpapatalas ng isip at pagmumulat. Nakasalalay din dito, kung gayon, ang pagbuo ng panibagong lakas ng bayan.